Getting back to normal
August 13th, 2006
Magandang araw po sa inyong lahat.
Unti-unti na po akong nakakabalik sa aking pagba blog. Malapit ng matapos ang mga bagay bagay na kailangan kung ilagay sa aking bagong makina.
Na mi-miss ko na nga po ang regular blogging routine ko simula noong bumigay ang dati kong PC. Akala ko kasi meron pang pag-asa na maayos ito pero wala na. Ito pala ang problema pag branded ang binili mong PC, mahirap hanapin ang pyesa kasi hindi sya available sa mga ordinayong tindahan. Kailangan pa doon mismo sa manufacturer pero kadalasan pag lumang model na di na rin supported at wala na talagang pyesa.
Nakakatawa ang nangyari. Pinabilis ko ang pagka dedo ng luma kong pc. Parang nasilya elektrika ito. Sabi kasi noong gumawa baka isa daw sa dahilan ay mahina ang dumadaloy na koryente. Kaya ang ginawa ko, pinalitan ko ang power voltage mula sa 220 to 110 volts at inilipat ko sa solong saksakan na 110 volts. Sa kasamaang palad nandoon pa rin yong problema. Kaya naisipan ko ibalik na lang sa dating saksakan na 220 volts.
Noong ibinalik ko na sa 220, inuna kung isaksak yong sa monitor pero nagkamali ako. Ang akala ko ang hawak hawak kung cable ay sa monitor. Yon pala ay sa CPU ito, na nakalagay pa sa 110 volts at hindi ko pa naiibalik sa 220 volts.. Kaya hayun, nakoryente ng sobra. Bumigay ang power supply.
At iyon na ang katapusan ng aking IBM NetVista Destop pc, death sentence through electrocution by the stupid boss. ha ha ha.
Ang akala nga naman, maraming kapahamakan
Entry Filed under: Daily Life, Internet, Si Kulas, Weblog
4 Comments
1. ann | August 15th, 2006 at 7:44 am
Mukha ngang minadali. Siguro talagang kailangan na nga syang palitan.
2. racky | August 15th, 2006 at 3:15 pm
ay, marami talagang napapahamak sa MALING AKALA!
3. nix | August 18th, 2006 at 4:38 pm
ok lng yan..
may MAS MAGANDA namang kapalit yan..
haha!!
=>
4. Lani | August 31st, 2006 at 2:19 pm
Iyan ang kapalaran niya, ang masira agad